Bakı Xoreoqrafiya Akademiyasında Müstəqillik Gününə həsr olunmuş konsert keçirilib

Bakı Xoreoqrafiya Akademiyasının (BXA) İncəsənət fakültəsinin və orta ixtisas təhsili pilləsinin birgə təşkilatçılığı ilə 28 May-Müstəqillik Gününə həsr olunmuş konsert proqramı keçirilib.

Konsert proqramında BXA-nın rəhbərliyi, müəllim-tələbə heyəti, eləcə də digər qonaqlar iştirak edib.

Tədbir Azərbaycan Respublikasının Dövlət Himni ilə açıq elan olunub.

Xalq çalğı alətləri ixtisasının tələbələrinin müşayiəti altında təqdim olunan Azərbaycan musiqiləri və "Qaytağı", " Rast", "Şələqoy", "Qızılgül", "Azərbaycan", "Bayram suitası", "Laçın" və s. milli rəqs kompozisiyaları tədbirə xüsusi bayram sevinci qatıb.

Bakalavr və orta ixtisas təhsili pillələrinin tələbələrinin ifasında nümayiş olunan Azərbaycan rəqsləri tədbir iştirakçıları tərəfindən böyük maraqla qarşılanıb.