Ağdərədə beton qarışdıran maşın dərəyə aşıb, sürücü ölüb

Ağdərədə beton qarışdıran maşın dərəyə aşıb, sürücü ölüb.

"Report"un Qarabağ bürosunun xəbərinə görə, hadisə rayonun Çıldıran kəndi ərazisində baş verib.

Bərdə rayon Yenidaşkənd kənd sakini 1968-ci il təvəllüdlü Qocamanov Hafizun idarə etdiyi "HOWO" markalı beton qarışdıran avtomobil idarəetmədən çıxaraq dərəyə yuvarlanıb. Hadisə nəticəsində sürücü H.Qocamanov ölüb.

Faktla bağlı araşdırma aparılır.