Sevinc Orucova Heydər Əliyev adına liseydə hələ də istədiyi kimi davranmağa davam edirmi?

Sevinc Orucovanın adı ətrafında illərdir müxtəlif müzakirələr gedir. İctimai müzakirələrdə qeyd olunur ki, Sevinc Orucovanın anası vaxtilə 52 saylı məktəbin direktoru olub İddialara görə, Sevinc Orucovanın anasını işdən çıxarmaq cəhdləri zamanı hüquq-mühafizə orqanları həmin dövrdə Bakı Şəhər Təhsil Şöbəsində idarəedici vəzifədə çalışan Elnur Əliyevə qarşı təzyiq göstərərək onu şöbədən tamamilə uzaqlaşdırıblar. Bundan sonra isə Mikayıl Cabbarov həmin boş qalan yerə Ceyhun Bayramovu təyin edib.
Dillər əzbəri olan başqa bir iddia isə Sevinc Orucovanın yaxın qohumlarından birinin uzun müddət Ramiz Mehdiyevin evində işləməsi ilə bağlıdır. Bu səbəbdən ictimaiyyət arasında belə bir fikir formalaşıb ki, ailənin müxtəlif sahələrdə təsir imkanları məhz Ramiz Mehdiyev dövrünün köhnə kadr-sisteminə söykənib və həmin illərdə istədikləri kimi hərəkət etmək gücünə malik olublar.
Müzakirələrdə deyilir ki, Sevinc Orucova haqqında illər əvvəl irəli sürülən qanunsuzluq iddiaları ilə bağlı valideynlər və müəllimlər dəfələrlə rəsmi qurumlara müraciət etsələr də, nəticə əldə olunmayıb. Çoxları bunu həmin dövrdə Ramiz Mehdiyev xəttinin güclü təsiri ilə əlaqələndirirdi – “onun qılıncını kəsən yox idi” – deyə cəmiyyətdə ifadə olunurdu.
Bu gün isə hamının ağlında tək bir sual var:
Görəsən bu qədər hadisədən, bu qədər iddialardan sonra Sevinc Orucova Heydər Əliyev adına liseydə hələ də istədiyi kimi davranmağa davam edirmi? Və ən əsası – qanunsuzluq, korrupsiya və zorakılıqla bağlı səslənən iddialar hələ də təkrarlanırmı, yoxsa nəhayət, buna son qoyulub?
Sakit Muradov
TEREF