Manşet - StimulXeber.Com – Operativ Xəbər Portalı

AYNA rəhbərliyinə ŞOK İTTİHAMLAR: “Bakını yaşanmaz hala gətiriblər”

Wed, 03 Jun 2026 18:11:35 +0400

Bakı şəhərində nəqliyyat sisteminin və yol hərəkətinin tənzimlənməsi istiqamətində son dövrlər həyata keçirilən kəskin dəyişikliklər, tətbiq olunan xüsusi zolaqlar və artan cərimə sanksiyaları paytaxt sakinləri ilə yanaşı, hüquqşünaslar və nəqliyyat ekspertləri tərəfindən də ciddi etirazlarla qarşılanır. Azərbaycan Yerüstü Nəqliyyat Agentliyinin (AYNA) rəhbərliyi tərəfindən idarə olunan bu proseslərin şəhər infrastrukturunu rahatlaşdırmaq əvəzinə, sürücülər üçün əlavə süni maneələr formalaşdırdığı və hərəkət iştirakçılarını çıxılmaz vəziyyətə saldığı iddia edilir. Paytaxtın əsas nəqliyyat qovşaqlarında, o cümlədən Həsən Əliyev küçəsi ilə Tbilisi prospektinin kəsişməsində tətbiq edilən yeni xətlənmə və svetofor tənzimləmələrinin tıxacları daha da qəlizləşdirməsi, habelə Beynəlxalq Avtovoqzal Kompleksinin ətrafındakı təhlükəsiz sərnişin düşürmə zonalarında belə vətəndaşlara kütləvi şəkildə inzibati cərimələrin yazılması ictimai narazılığı pik həddə çatdırıb.

Ekspertlər hesab edir ki, əsas fundamental infrastruktur layihələri, məsələn, zəruri yol qovşaqlarında körpü komplekslərinin inşası arxa plana keçirilərək rəqəmsal və inzibati cəzalandırma mexanizmlərinə üstünlük verilməsi vətəndaş məmnuniyyəti prinsipinə tamamilə ziddir.(Xalq.online)

Dövlətin sosial dəstəyi davam edir: məcburi köçkünlərlə bağlı yeni yanaşma - ŞƏRH

Wed, 03 Jun 2026 17:37:48 +0400

[b]Azərbaycan parlamentinin əmək və sosial siyasət və insan hüquqları komitələrinin iyunun 3-də keçirilən birgə iclasında Mənzil Məcəlləsi, "Qaçqınların və məcburi köçkünlərin (ölkə daxilində köçürülmüş şəxslərin) statusu haqqında" və "Məcburi köçkünlərin və onlara bərabər tutulan şəxslərin sosial müdafiəsi haqqında" qanunlara dəyişikliklər edilməsi müzakirəyə çıxarılıb. Bu dəyişikliklər sosial baxımdan çox önəmli olmaqla yanaşı, Azərbaycan vətəndaşının konstitusion və mülkiyyət hüququnun ən ali səviyyədə bərqərar və bərpa olunması deməkdir. Bu dəyişikliklərlə ilk növbədə müstəqillikdən keçən 35 il ərzində qəbul edilən qaçqınlıq və köçkünlük aktları artıq tarixə qovuşur, yeni Böyük Qayıdış qanunları yazılır. Hazırkı akt gələcəkdə millətimizin və dövlətimizin tarixində şanlı səhifəyə çevriləcəyi şəksizdir. Çünki Böyük Qayıdış qanunları məğlubiyyət, işğal və köçkünlük dövrünün bitdiyini, qalib yüz ilin başlandığını göstərən əsas milli ideyadır.
[/b]
Qeyd etməliyik ki, Ermənistanın işğalçılıq siyasəti nəticəsində doğma yurdlarından didərgin düşmüş məcburi köçkünlərin sosial müdafiəsinin gücləndirilməsi Azərbaycan dövlətinin siyasətinin prioritet istiqamətlərindəndir. Ötən illər ərzində bu kateqoriyadan olan vətəndaşların mənzil-məişət şəraitinin yaxşılaşdırılması məqsədilə ölkə rəhbərliyinin tapşırığı ilə yeni qəsəbələr və çoxmərtəbəli yaşayış binaları salınıb. 2007-ci ildə 12 çadır düşərgəsi və dəmir yolu üzərindəki yük vaqonlarından ibarət qəsəbələri ləğv edilib, 16 fin tipli qəsəbədən sonuncusu isə 2016-ci ildə ləğv edilib. Məcburi köçkünlərin mənzil-məişət şəraitinin yaxşılaşdırılması məqsədi ilə 121 yeni qəsəbə və hündürmərtəbəli binalardan ibarət yaşayış kompleksi tikilərək istifadəyə verilib. Beləliklə, 62 mindən çox məcburi köçkün ailəsinin, yəni 300 min nəfərdən çox məcburi köçkünün mənzil-məişət şəraiti yaxşılaşdırılıb.
[center][/center]
Məcburi köçkünlərin sosial problemlərinin həlli ilə bağlı Azərbaycan Respublikasının Prezidenti tərəfindən 2004-2019-cu illər ərzində 75 fərman və sərəncam imzalanıb, Azərbaycan Respublikasının Nazirlər Kabineti tərəfindən 224 qərar və sərəncam verilib, Azərbaycan Respublikasının Milli Məclisi tərəfindən 11 qanun qəbul edilib. Azərbaycan Respublikası Prezidentinin 2004-cü il 1 iyul tarixli 298 nömrəli Sərəncamı ilə təsdiq edilmiş "Qaçqınların və məcburi köçkünlərin yaşayış şəraitinin yaxşılaşdırılması və məşğulluğunun artırılması üzrə Dövlət Proqramı" qəbul edilib.

Eyni zamanda bu illər ərzində "Azərbaycan Respublikasının işğaldan azad edilmiş ərazilərinə Böyük Qayıdışa dair 1-ci Dövlət Proqramı"nın icrası ilə bağlı möhkəm hüquqi baza yaradılıb, qanunvericilikdə müvafiq dəyişikliklər edilərək Qarabağda və Şərqi Zəngəzurda işləyən və məskunlaşan şəxslər üçün yeni müavinət növü təsis edilib, məzuniyyət, vergi, sosial sığorta güzəştləri və imtiyazları müəyyən olunub. Müzakirəyə çıxarılan dəyişikliklər də məhz bu sahədə görülən işlərin hüquqi bazasının təkmilləşdirilməsi, məcburi köçkünlərin işğaldan azad edilmiş ərazilərdə yaşayış sahələrinə köçürülməsi, onların mülkiyyət hüququnun təmini və məcburi köçkün statusunun itirilməsi ilə bağlı qanunvericilik aktlarının təkmilləşdirilməsi məqsədilə hazırlanıb.

Yeni dəyilikliklərdə mühüm məsələrdən biri də işğaldan azad edilmiş ərazilərdə daimi məskunlaşma fondunun yaradılması təşəbbüsüdür. Bu fonda daxil olan yaşayış məntəqələri məcburi köçkünlərin köçürülməsi və bu sahələrin onların mülkiyyətinə verilməsi məqsədilə istifadə olunacaq. Yeni yaradılacaq Fonda daxil olan yaşayış sahələri vətəndaşlara artıq icarə müqaviləsi əsasında deyil, mülkiyyət hüququ əsasında veriləcək.
[center][/center]
Eyni zamanda, Qanuna təklif olunan dəyişikliyə əsasən, məcburi köçkün statusunun itirilməsi halları da konkretləşdiriləcək. Qeyd edək ki, vahid aylıq müavinət də daxil olmaqla, müxtəlif sosial müdafiə tədbirləri vasitəsilə məcburi köçkün ailələrinə uzun illər ərzində dövlət dəstəyi göstərilib. Digər mühüm olan bir məsələ - təhsil sahəsində tətbiq olunan dəstək tədbirləri məcburi köçkün ailələrindən olan gənclərin təhsil imkanlarının qorunmasına və inkişafına töhfə verib. Məlumat üçün bildirək ki, təkcə 2025/2026-cı tədris ilində ödənişli əsaslar ilə yeni qəbul olmuş 3 923 məcburi köçkün statuslu tələbənin təhsil xərcləri dövlət tərəfindən qarşılanmaqdadır.

Onu da qeyd edək ki, işğal dövrünün başa çatması ilə əlaqədar məcburi köçkün statusu və ona tətbiq olunan xüsusi sosial mexanizmlər yenidən tənzimlənir. Yeni hüquqi qaydalarda nələr əks olunub? Əvvəla, işğaldan azad edilmiş ərazilərə köçürülən, habelə təklif olunan köçürülmədən imtina edən şəxslərin məcburi köçkün statusu həmin andan etibarən dəyişir və itirilmiş hesab olunur. Ən əsası sosial müdafiə tədbirləri köçürülən şəxslər və köçürülmə təklifini qəbul etməyən şəxslər üçün statusun itirildiyi tarixdən sonra 3 il müddətində davam edir. Mühüm olan həm də odur ki, qanun qüvvəyə minənədək köçürülmüş şəxslər üçün bu 3 illik müddət köçürüldükləri tarixdən hesablanır. Məcburi köçkünlər işğaldan azad edilmiş ərazilərdə ev və ya mənzillə təmin edilir və həmin yaşayış sahəsi dərhal onların mülkiyyətinə verilir.
[center][/center]
Təkliflərdə nəzrdə tuutlub ki, təhsil alan şəxslər üçün təhsil haqlarının dövlət büdcəsi hesabına ödənilməsi təhsil müddətinin sonunadək davam etdirilsin. Bu da onu deməyə əsas verir ki, dövlətin sosial müdafiə sistemi tək bir statusa bağlı deyil, çoxsəviyyəli mexanizmlərdən ibarətdir. Və buraya ünvanlı sosial yardım, məşğulluq proqramları, mənzil təminatı, təhsil və səhiyyə dəstəyi, reabilitasiya və sosial inteqrasiya proqramları da daxildir.

Beləlkiklə, Azərbaycan dövlətinin həyata keçirdiyi siyasət göstərir ki, məcburi köçkünlərin rifahı, sosial müdafiəsi və doğma torpaqlara qayıdışının təmin edilməsi ölkənin strateji prioritetlərindən biridir. Azərbaycan dövləti də bu istiqamətdə fəaliyyətini ardıcıl şəkildə davam etdirərək, uzun illər yurd həsrəti ilə yaşayan insanların layiqli həyat şəraitinə qovuşmasını təmin edir. Bu siyasət də həm humanizm prinsiplərinə, həm də dövlət-vətəndaş həmrəyliyinə əsaslanan uğurlu sosial modelin bariz nümunəsidir.

[b]"Report"un Analitik Qrupu[/b]

Neftçi MTK-nin benefisiar (real) sahibi kimdir? - Aldadılmış neftçinin pulunu qaytarın!!!

Wed, 03 Jun 2026 16:36:47 +0400

Qarabağ veteranı, "Neftçi" MTK tərəfindən aldadılarq 40 kv/mənzil sahəsi üçün artıq vəsait alınmış neftçi Natiq Orucovun ərizəsinin müvafiq qurumlarda araşdırlması davam edir. "Dia-az" xəbər verir ki, bununla bağlı özünün sosial şəbnəkə hesabında paylaşım edən Neftçilərin Hüquqlarının Müdafiəsi Təşkilatının (NHMT) sədri, tanınmış hüquq müdafiəçisi Mirvari Qəhrəmanlı daha sonra belə davam edir:
"Diqqətinizə çatdırım ki artıq 14 ildir #NeftçiMTK - rəhbəri Səfərli Azərin və onun ARDNŞ - də havadarları olan , Mənzil məsələləri üzrə iş şöbəsinin rəisi Qurbanov Əlinin, sosial lahiyələrin idarəetməsi departamentinin rəisi Həsənov Rəşadın və Aparat rəhbərinin müavini Rəhimov Nicatın ucbatından yaşadığımız mənzili özəlləşdirib , pasport qeydiyyatına düşə bilmirik.. Bunun da nəticəsində respublikada keçirilən prezident və parlament seçkilərində o cümlədən yaşadığımız ərazi üzrə hər hansı bir arayış alıb həkimə müraciət etmək hüququndan məhrum edilmisik.
Məsələyə aydınlıq gətirərək bildirmək istəyirəm ki, mənimlə Neftçi MTK arasinda bağlanmış ikitərəfli müqavilədə göstərilən 120,6 kV/m mənzilimin sahəsi əslində 80 kV/m-dir. Bu da o deməkdir ki,mənzilimin çatışmayan sahəsinin əvəzinə mənə, 40,6 kV/m hava satiblar.Hal - hazırda öz korrupsiya əməllərini ört-basdır etmək üçün, müqaviləni mənim əlimdən alıb dəyişdirməyə cəhd edirlər. Mən isə buna razı olmadığımdan ,Səfərli Azər mənə bildirdi . Nə qədər ki sən mənə müqaviləni dəyişmək üçün təhvil verməyəcəksən, hansı instansiyalara müraciət etsən belə xeyri yoxdur. Sənə heç bir sənəd verməyəcəyəm. Əsas olaraq isə, gələcəkdə Neftçi MTK ya artıq ödədiyim pulu tələb edib məhkəməyə verməyim deyə.Məhz bundan sonra məcburiyət qarşısında qalıb , Azərbaycan respublikasının prezidenti Cənab İlham Əliyev başda olmaqla, aidiyyəti qurumlara müraciət etdim. Diqqətinizə çatdırım ki,artıq bu məsələ prezident administrasiyası tərəfindən xüsusi nəzarətə götürülüb. Yaşadığımız ərazi üzrə Səbail rayon icra hakimiyyətinin xüsusi komissiyasi öz işini davam etdirir. Mövcud məsələ ilə bağlı Səbail rayon icra hakimiyyətinin başçısı Vüqar Zeynalovun qəbulunda olarkən, məsələni təfsilatı ilə danışdıqdan sonra, o öz göstərişini verərək Səfərli Azəri Səbail rayon icra hakimiyyətinə dəvət edilməsini tapşırdı.Məlumat üçün bildirim ki, mənim mənzilimə görə ödənilən pulun 52 faizi mən tərəfindən , digər 48 faizi isə dövlət tərəfindən, odənilmisdir Səfərli Azər Səbail rayon icra hakimiyyətidə qəbulda olarkən bildirib ki, mənzilə görə mənim ödədiyim pul hissəsini mənə qaytarmaq şərti ilə , mənzili Neftçi MTK - ya təhvil verim. ?(????)
Əgər doğrudan da Səfərli Azər mənzilin pulunu qaytarmaq istəyirsə , düşünürəm ki, ikitərəfli müqavilə əsasında mənzilin "120,6 kV/ m" sahənin pulunu indiki bazar qiyməti ilə tam ödədikdən sonra,geri almalidir. Çünki mənzilin dəyəri mən tərəfimdən 2022- çi ildə tam ödənilmişdir.Bununla bağlı Səfərli Azər Neftçi MTK tərəfindən vəzifə səlahiyyətlərindən sui istifadə etməklə ,mənə rəsmi məktub göndərərək 2012- çi ildə yaşadığımız bina Neftçi MTK-min balansından çıxmasına və 2022- çi ildə ikitərəfli müqaviləyə əsasən , yaşadığımız mənzilin pulu mənim tərəfimdən tam ödənildiyiniə baxmayaraq, ARDNŞ-də Sosial Lahiyələrin İdarəetməsi Departamentinin rəisi Həsənov Rəşadın göstərişi ilə ,06.04.2026 - çi ildə mənə rəsmi olaraq məktub göndərib . Həmən məktubda məni Neftçi MTK i- ya dəvət edərək 2011- ci ildə bağlanmış ikitərəfli müqavilədə 2022- ci ildə Neftçi MTK tərəfindən birtərəfli dəyişiklik edildiyi ilə əlaqədar , məni 06.04.2026- çi il tarixdə müqaviləni yenidən dəyisməyimi təklif edirlər.
Maraqlıdır
2012- çi ildə Neftçi MTK-nin balansından çıxmış və 2022- ci ildə pulunu tam ödədiyim mənzilə görə ,yenidən mən MTK qarşısında hansı öhdəliklər goturməliyəm?
Göründüyü kimi bu adamları tutduğu yüksək vəzifə, aldıqları yüksək maaş başlarıni elə dumanlandirib ki, gözləri ayaqlarınin altını belə gormur, kələfin üçünü itiriblər desəm heç də yanılmaram.Qəbul etdikləri "qərarlar"müraciətim əsasında MM - nin mövcud qanunlarına zidd olaraq, cavablarıni oxuduqda bunun nə qədər həqiqətə uyğun olduğunun bir daha şahidi oluruq.O cümlədən diqqətinizə çatdırım ki, 2011- ci ildə mənimlə Neftçi MTK arasında bağlanmış müqavilədə mənzilin ümumi sahəsi 120.6 kV/m göstərildiyi halda, ARDNŞ - nin aparat rəhbərinin müavini Rəhimov Nicatın mənə göndərdiyi cavabda göstərilir ki , mənzilin ümumi sahəsi sözü , binanın çöl perimetri boyunca sözü ilə əvəz edilməli idi. Müqavilədə səhv gedib Nəzərə alsaq ki , 2011 ci ildə Rəhimov Nicat ARDNŞ - də aparat rəhbərinin müavini deyildi, o cümlədən hamıya göstəriş verməyə çalışan sosial lahiyələrin idarəetməsi departamentinin rəisi Həsənov Rəşad və mənzil məsələləri üzrə iş şöbəsinin rəisi Qurbanov Əli hal- hazırki vəzifəsində olmayıb. Onda məni belə bir sual düşündürür.
Nədən bu adamlar hesab edirlər ki , 2011- ci ildə bağlanmış müqavilə ,səhv tərtib edilib.? Nəzərə alsaq ki, Badamdar qəsəbəsində Neftçilər üçün inşa edilmiş binanın mənzillərinə aid olan bütün sənədlər, birə- bir eyni qaydada tərtib edilib.
Diqqətinizə çatdırım ki,bina sakinlərinin bir - birinə uyğun gəlməyən müqavilə və çıxarışlarınin bir nüsxəsi mənim əlimdədir..."(Dia-az)