https://stimulxeber.com/ az https://stimulxeber.com/musahibe/50563-geleceyin-muhasibi-sensen-fusion-academy-mmc-den-genclere-ilhamverici-seminar.html https://stimulxeber.com/musahibe/50563-geleceyin-muhasibi-sensen-fusion-academy-mmc-den-genclere-ilhamverici-seminar.html https://stimulxeber.com/musahibe/50563-geleceyin-muhasibi-sensen-fusion-academy-mmc-den-genclere-ilhamverici-seminar.html Mon, 07 Apr 2025 13:13:51 +0400 index
Seminarda Fusion Academy MMC-nin təsisçisi və icraçı direktoru Elza Məmmədova çıxış edərək, müasir dövrdə rəqəmlərlə işləməyin və maliyyə savadlılığının önəmini vurğulayıb. Tədbirdə həmçinin təcrübəli mühasib Nərmin Nağıyeva da iştirak edib. O, tələbələrlə öz peşəkar təcrübəsini bölüşərək mühasibatlığın real həyatda tətbiqi və karyera imkanları haqqında maraqlı nümunələr gətirib.

Bundan əlavə, Elza Məmmədova tələbələrlə səmimi söhbət aparıb. Görüş zamanı o, gənclərin gələcək həyatlarında düzgün istiqamət seçməsi, uğurlu karyera qurmaq üçün atmalı olduqları addımlar və şəxsiyyət inkişafı ilə bağlı mühüm məqamlara toxunub. Onun motivasiyaedici çıxışı tələbələrə həm ilham verib, həm də onları daha düşüncəli addımlar atmağa təşviq edib.

Seminar interaktiv formatda keçib və iştirakçılar tərəfindən böyük maraqla qarşılanıb.

Tədbirin sonunda Fusion Academy MMC ilə Bakı Biznes və Kooperasiya Kolleci arasında birgə əməkdaşlıq müqaviləsinə imza atılmışdır. Bu əməkdaşlıq çərçivəsində tələbələrin praktiki biliklərə yiyələnməsi, təcrübə proqramları və birgə layihələrin həyata keçirilməsi nəzərdə tutulur.

Fusion Academy MMC bu kimi təşəbbüslərlə gənclərin peşə seçiminə və inkişafına dəstək olmağa davam edir.

]]> https://stimulxeber.com/musahibe/50562-pedaqoq-lale-sherefxanqizi-ehmedova-edaletli-ve-obyektiv-olmaq-esas-ish-prinsipdir.html https://stimulxeber.com/musahibe/50562-pedaqoq-lale-sherefxanqizi-ehmedova-edaletli-ve-obyektiv-olmaq-esas-ish-prinsipdir.html https://stimulxeber.com/musahibe/50562-pedaqoq-lale-sherefxanqizi-ehmedova-edaletli-ve-obyektiv-olmaq-esas-ish-prinsipdir.html Mon, 07 Apr 2025 13:11:43 +0400 index
- Müəllim toxum səpən bağbandır, onun əkdiyi bilik toxumları zamanla cəmiyyətin meyvəsinə çevrilir. Bağbanın qazancı bağının barı, müəllimin qazancı isə gözəl, bilikli şagirdləridir. Yaxsi müəllim şagirdlərinə təkcə bilik verən yox, ümid və ruh verəndir, fənninə maraq aşılayandır! Yaxşı müəllim sagirdinin yaddaşında əbədi iz qoyandır, onun yoluna işıq salan, qəlbinə,həyatına, gələcəyinə toxunandır!

Düzünə qalsa, usaqlıqda jurnalist olmaq istəmişəm. Zamanla isə fikrim dəyişdi və müəllim oldum. Bunun səbəbkarı isə mənim nənəm olmusdu. Bəli, bəli, nənəm!
Mən Tərtər şəhərində böyümüşəm, orta təhsilimi də şəhərin 1 nömrəli məktəbində almisam. Mənim nənəm də məktəbimizin ən hörmətli, qocaman müəllimlərindən idi. Məni əlimdən tutub ilk dəfə məktəbə aparan da o olub. Mən həm məktəbdə, həm məktəbdən kənarda ona olan sevgini, qoyulan hörməti, diqqəti görurdüm.Bəzən yolda köhnə məzunlarini, valideynləri görürdüm, onlar nənəmin önünə qaçıb onunla necə hörmətlə salamlaşırdilar, görüşürdülər.Hətta öz övladını nənəmin sinfində oxusun deye 1il məktəbə gec qoyanların olduğunu da eşitmişdim. Bütün bunları gördükcə, eşitdikcə məndə də müəllimlik peşəsinə sevgi yarandı. Bir gün mən də nənəm kimi sevilən və seçilən müəllim olacam dedim.Ümüd edirəm ki, istəyimə nail olmuşam, şagirdlərimiz sevimli müəllimiyəm.

- Neçə ildir ki, bu sahədəsiniz?

- Mən 2019cü ildən bu peşədəyəm. Artiq 15 ildir, deyə bilərəm.

- Öz sahəniz üzrə hansı işləri icra edirsiniz?

- Bir müəllim olaraq şagirdlərimə təkcə bilikli olmağı yox, onlara əzmkar və iradəli olmağı, dürüst olmağı, haqlarını bilməyi və tapdalanmağa icazə verməməyi,eyni zamanda da başqalarının haqlarini tapdalamamağı, doğru bildiklərinin arxasinca getməyi, etdikləri səhvlərin də arxasında durmağı öyrədirəm.

- İş prinsipiniz nədən ibarətdir?

- Mənim amalım sevilən müəllim olmaqdır. Düşünürəm ki, şagird ilk öncə müəllimi sevir, sonra onun tədris etdiyi fənni. Dərsimi sevdirmək üçün özümü sevdirməliyəm ilk öncə.
İş prinsipim isə ədalətlilik və obyektivlikdir, şagirdlərə bərabər yanaşmaq, onlara eyni diqqəti ayırmaq hər müəllimin vəzifə borcudur, deyə düşünürəm.Eyni zamanda müəllim olaraq onlara güvən vermək lazımdır ki, şagird sıxıntısı olanda belə rahat şəkildə səninlə paylasa bilsin onu narahat edən səbəbləri. Məsuliyyətli və dürüst olmaq da öncəlliklərimdəndir.

- Bir mütəxəssis olaraq nəyə "yox" deyirsiniz?

- Mənim həyatda "yox" dediyim bir neçə şey var. Ən sevmədiyim şeylərdən biri yalandır. Yalanı heç sevmirəm. Əgər bir insanın yalanını gördümsə, sonrakı düzləri belə mənə şübhəli gəlir. Bir insana olan etibarim itməsin. Əgər itərsə, əvvəlki kimi güvənə bilmirəm. Belə bir deyim var:Etibar ruh kimidir,çıxdığı bədənə bir daha geri dönməz. Mənə görə bu deyim həqiqətdir...
Ədalətsizlik, haqsızlıq və saxtakarlığa da göz yuma bilmirəm. Mənə görə göz yummaq ən azı onları etmiş qədər olmaq deməkdir.

- Son zamanlarda sizə daha çox nə ilə bağlı müraciətlər olur?

- Son zamanlar valideynlər şagirdlərin diqqətlərini dərsə necə cəmləmək olar deyə müraciətlər edirlər. Eyni zamanda dərs yükünün ağır olması ilə bağlı da şikayətlər edirlər. Hətta şikayətlər həddindən çox olur.

- Xarakter olaraq nəcə birisiniz?

- Xarakter olaraq necə biriyəm sualına səmimi cavab verəcəm.Səbirsiz və tərsəm. narahat insanam çox,daim təlaş içindəyəm. Mükəmməlçi insanam.Etdiyim nəyisə sevərəkdən, canla-başla, edə biləcəyim ən gözəl şəkildə edərəm.Gördüyüm işdən özüm də zövq almalıyam, yoxsa etmək xatirinə etmərəm. Fərqi yoxdur ya keçdiyim dərs olsun, ya da gördüyüm başqa bir iş.
Hamıya, hər kəsə yetmeyə çalışaram.Çalışıram insanlara hər zaman faydam dəysin. Ətrafım yetəri qədər genişdir. Dostcanlı, qohumcanlıyam.İsti, səmimi münasibət saxlamağa çox önəm verirəm. Münasibətləri bitirməyi, insan itirməyi(münasibət) sevmirəm. Normalda səbirsiz olsam da insanların davranışlarını səbrlə izləyirəm. Son ana kimi səbirli oluram. Amma üzüm döndüsə, sadəcə görməzdən gəlirəm...

- Ailəlisinizmi?

- Bəli, ailəliyəm. İki övladım var.

- Oxuculara nə məsləhət görürsünüz?

- Oxucularıma hər zaman öz arzularının arxasınca getməyi məsləhət görərdim.Gözəl şeylər zaman alır,düzdü, amma aldığı zamana dəyir. Əzmkar olun. Hədəfinizi seçin, ona çatmaq üçün var gücünüzlə çalışın.Uğur daima sizinlə olsun!
Gənc qızlarımıza məsləhətim olur ki, mütləq oxusunlar, ali təhsil alsinlar.Gəcəkləri öz əllərindədir. Cəmiyyətin qoyduğu stereotiplərə görə deyil, öz işhədəflərinə görə hərəkət etsinlər. Təhsil alıb işləsinlər. Maddı cəhətdən müstəqil olmaq sizi daha da güclü edəcək. Öz ayaqlarınızın üstündə durmağı bacarmaq sizı həyatda daha rahat seçimlər etməyə imkan verəcək. Qarşınıza çıxan çətinliklərə görə geri çəkilməyin, hər uğursuzluq bir dərsdir! Siz hər şeyi bacara bilərsiz!

- Mən bu peşəni seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Mən bu peşəni seçərkən ağlıma belə gəlməzdi ki, bir gün mənə də "sizin kimi müəllim olacağam" deyən şagirdlərim olacaq. Eşidərkən çox qürurlanıram. Eyni zamanda da çox duyğulanıram. Çünki bu sözlər mənə illər əvvəl "məndə sənin kimi müəllim olacam, nənə" deyən balaca qızcığazı xatırladır!

Əlaqə nömrəsi: (051) 788-52-78

]]> https://stimulxeber.com/musahibe/50561-defektoloq-loqoped-shuuralti-terapist-sevgi-feteli-nitq-inkishafi-lengimesinden-danishdi.html https://stimulxeber.com/musahibe/50561-defektoloq-loqoped-shuuralti-terapist-sevgi-feteli-nitq-inkishafi-lengimesinden-danishdi.html https://stimulxeber.com/musahibe/50561-defektoloq-loqoped-shuuralti-terapist-sevgi-feteli-nitq-inkishafi-lengimesinden-danishdi.html Mon, 07 Apr 2025 13:09:38 +0400 index
- Nitq inkişafı ləngiməsi, uşağın nitq bacarıqlarının yaşına uyğun olmaması və yaşıdlarından geri qalmasıdır. Bu zaman uşağın danışma, anlama və ünsiyyət qurma bacarıqlarında gecikmələr müşahidə edilə bilər.

- Yaranma səbəbləri nədir?

- Nitq inkişafı ləngiməsinin müxtəlif səbəbləri ola bilər, bunlar arasında:
•Eşitmə problemləri
•Nevroloji və inkişaf pozuntuları
•Ətraf mühit faktorları
•Ailədə nitqə kifayət qədər diqqət ayrılmaması, uşağın az danışan və ya az ünsiyyət quran mühitdə böyüməsi.
•Ailədə iki dilliliyin olması
•Erkən yaşda texnologiya ilə həddindən artıq təmas – Telefon, televizor və digər ekranlar qarşısında uzun müddət vaxt keçirmək uşağın ünsiyyət bacarıqlarını məhdudlaşdıra bilər.
•Genetik faktorlar – Ailədə gec danışan fərdlərin olması müəyyən hallarda təsir edə bilər, lakin bu faktor mütəxəssisə müraciət etməmək üçün əsas olmamalıdır.

- Hansı yaş qrupuna aid uşaqlarda daha çox müşahidə edilir?

- Nitq inkişafı ləngiməsi adətən 0-6 yaş aralığında müşahidə olunur. Uşağın nitqində nəzərəçarpacaq gecikmələr olarsa, erkən müdaxilə üçün mütəxəssisə müraciət edilməlidir.

- Əlamətləri hansılardır?

- Nitq inkişafı ləngiməsi olan uşaqlarda aşağıdakı əlamətlər müşahidə edilə bilər:
•12 ay – Jestlərdən (əl sallamaq, işarə etmək) istifadə etməmək.
•18 ay – Səsləri təqlid etməkdə və başa düşməkdə çətinlik çəkmək, jestlərdən sözlərə nisbətən daha çox istifadə etmək.
•2 yaş – Sadə komandalara cavab verməmək, danışmaq əvəzinə səslər və jestlərlə ünsiyyət qurmağa üstünlük vermək.
• Uşağın danışığı anlaşılmaz olmaqla yanaşı, öz yaş qrupuna uyğun söz ehtiyatına malik olmamaq.
• Davranış problemləri də özünü göstərə bilər – Fikrini sözlə ifadə edə bilmədiyi üçün aqressivlik, ağlama, özünü yerə çırpma kimi reaksiyalar yaranır.
• Sosial çətinliklər – Danışa bilmədiyi üçün digər uşaqlarla oynamaqdan çəkindiyi və ya digərlərinin onu oyuna daxil etmədiyi hallar müşahidə edilir.

- Müayinə və müalicə necə aparılır?

- Nitq inkişafı ləngiməsi diaqnozunun qoyulması üçün:
• Nevropatoloq – Sinir sistemində hər hansı problem olub-olmadığını müəyyənləşdirdikdən sonra.
•Loqoped – Uşağın nitq səviyyəsini qiymətləndirərək uyğun terapiya planı hazırlayır və seanslara başlayır.

- Müalicənin nəticələrini nə qədər müddətdən sonra əldə edirsiniz?

- Nitq terapiyasının nəticələri fərqli faktorlardan asılıdır:
• Ləngimənin səbəbi və dərəcəsi
• Terapiyaya nə qədər erkən başlanması
• Ailənin terapiya prosesinə nə dərəcədə dəstək olması
• Uşağın fərdi inkişaf xüsusiyyətləri

Müalicə müddəti fərqli olsa da, mütəmadi və effektiv loqopedik terapiya ilə 6 ay - 1 il ərzində nəzərəçarpacaq irəliləyiş əldə etmək mümkündür.

- Son olaraq bu mövzu ilə bağlı nə demək istərdiniz?

-;Nitq inkişafı ləngiməsi uşağın yalnız danışıq qabiliyyətinə deyil, həm də ümumi inkişafına, sosial adaptasiyasına və təhsil həyatına təsir edə bilən ciddi bir haldır. Erkən diaqnoz və müalicə prosesi bu uşaqların daha uğurlu gələcək qurmasına kömək edir.

Ailə ilə əməkdaşlıq və gündəlik nitq inkişafını dəstəkləyən fəaliyyətlər çox vacibdir:
• Günlük fəaliyyətləri oyuna çevirmək
• Axşamlar nağıl oxumaq
• Uşaqla birlikdə mahnılar oxumaq, təkrarlanan sözlərdən ibarət oyunlar oynamaq
•Telefon və televizordan istifadəyə məhdudiyyət qoymaq
•Qidalanma və yuxu rejimini nizamlamaq

Unutmaq olmaz ki, nitq inkişafı üçün ən kritik dövr erkən yaş dövrüdür. Bu səbəbdən gecikmə müşahidə edildikdə, mütəxəssisə müraciət etmək vacibdir.

Sevgi Fətəli
Defektoloq-Loqoped | Yaşam Kouçu | Şüuraltı Terapist
Əlaqə nömrəsi: +994 70 600 04 29
İnstagram: @sevgifeteliii
]]>